ممبئی: بالی ووڈ اسٹار دبنگ خان نے جس وقت فلمی کیریئر کا آغاز کیا تو اس وقت کئی ساتھی اداکاراؤں کے کھیلنے کودنے کے دن تھے اور کئی کے تو دودھ کے دانت بھی نہیں ٹوٹے تھے،آئیے نظر ڈالتے ہیں ایسی ہی کچھ حسیناؤں کے سلومیاں سے تعلقات اور ان کی عمروں پر۔
ایشوریا رائے
دبنگ خان کا پہلا معاشقہ بچن خاندان کی بہو ایشوریارائے بچن کے ساتھ منظرعام پر آیا۔ بالی ووڈ فلم’’ ہم دل دے چکے‘‘ کی جوڑی کے معاشقے کے اتنے چرچے ہوئے کہ شادی کی خبریں بھی گردش کرنے لگیں لیکن یہ معاشقہ بھی طویل عرصے خبروں کی زینت بنارہا۔ دبنگ خان کے فلمی کیریئر کے آغاز پران کی سابق گرل فرینڈ ایشوریا رائے کی عمرصرف 15 سال تھی ۔
کترینہ کیف
بالی ووڈ کی باربی ڈول کترینہ کیف اور سلمان خان کی جوڑی نے کئی کامیاب فلموں میں اداکاری کے جوہر دکھائے ہیں، دونوں اداکاروں کا تعلق کبھی بھی کسی سے پوشیدہ نہیں رہااور ان کے درمیان طویل عرصے تک عشق ومشق کا سلسلہ جاری رہا تاہم بات شادی تک نہ پہنچ سکی جب کہ سلمان خان کے فلمی کیرئیر کے آغاز پرباربی ڈول کی عمر صرف 5 سال کی تھی۔
جیکولین فرنینڈس
سلمان خان اور ان کی گرل فرینڈ اداکارہ جیکولین فرنینڈس کی جوڑی نے فلم’’ کک‘‘ میں مرکزی کردار اداکئے، دبنگ خان نے سری لنکن حسینہ جیکولین فرنینڈس کوبالی ووڈ میں متعارف کرایا۔ سلومیاں کے بالی ووڈ میں قدم رکھنے کے وقت جیکولین ٹھیک طرح چل بھی نہیں پاتی تھیں اور ان کی عمر 3 سال تھی۔
کاجل
بالی ووڈ اسٹار کاجل فلم انڈسٹری کاچمکتا ستارہ ہیں جنہیں انڈسٹری کی کامیاب ترین اداکارہ ماناجاتا ہے، اداکارہ کاجل کئی فلموں میں اداکار سلمان خان کے ساتھ جلوہ گر ہوچکی ہیں اور دونوں کی جوڑی نے کئی کامیاب فلموں میں اداکاری کے جوہر دکھائےجب کہ دبنگ خان کے فلمی کیریئر کے آغاز پرساتھی اداکارہ کاجل کی عمر 14 سال تھی ۔
سوناکشی سہنا
سلمان خان کی ضد کے باعث بالی ووڈ میں قدم رکھنے والی اداکارہ سوناکشی سہنانے ان کے ساتھ فلم’’ دبنگ‘‘ سے کیرئیرکاآغاز کیا اور پھر اس کے بعد بالی ووڈ کو کئی کامیاب فلمیں دیں۔ سلمان خان نے 1988 میں فلمی کیرئیر کا آغازکیاتو اس وقت سوناکشی سہنا کی صر ایک سال کی تھیں۔
رانی مکھرجی
رانی مکھر جی نے دبنگ خان کے ساتھ کئی فلموں میں اداکاری کے جوہر دکھائے،دونوں اداکاروں کی جوڑی نے’’ کہیں پیارہو ناجائے‘‘ اور’’ بابل‘‘ جیسی کامیاب فلمیں انڈسٹری کودیں۔ سلمان خان جب بڑی اسکرین پر جلوہ گر ہوئے تو اس وقت رانی کی عمر 13 سال تھی۔
کرینہ کپور
بالی ووڈ کی خوبصورت اور اسٹائلش اداکارہ کرینہ کپور کا نام کسی تعارف کا محتاج نہیں ۔ سلمان خان اور کرینہ کپور آپس میں بہت اچھے دوست بھی ہیں جب کہ سلمان خان اور کرینہ کی جوڑی نے کئی فلموں میں اداکاری کے جوہر دکھائے اوردونوں کی فلم’’باڈی گارڈ ‘‘ تو بلاک بسٹر مووی ثابت ہوئی، سلو میاں جب بڑی اسکرین پر جلوہ گر ہوئے تو بالی ووڈ کی بیبو صرف 8 سال کی تھیں۔
