سال 2014 میں دھاندلی ایشوء پر بات کرتے ہو سینئر تجزیہ کار جناب محترم محسن بیگ المعروف سچ والے بابا جی نے مبشر لقمان کے پرگروام کھرا سچ میں یہ انکشاف کیا تھا کہ 2013 کے الیکشن سے پہلے امریکہ سے ایک ٹیم آئی تھی اس میں امریکی انٹلیجنس کے لوگ بھی شامل تھے میری اس ٹیم سے ملاقات ہوئی اور آنے والے الیکشن پر تبادلہ خیال ہوا تو انہوں نے کہا اس الیکشن میں نواز شریف جیت جائے گا اور میں نے ان کو کہا نواز شریف نہیں جیت سکتا وہ بس جواب میں ہنس دیتے تھے اور پھر 2013 کے الیکشن ہوئے اور میاں نواز شریف جیت گئے اور چار روز بعد میری ملاقات پھر اسی ٹیم سے ہوئی اور انہوں نے کہا ہم نا کہتے تھے نوازشریف جیت جائے گا میں نے کہا آپ نے دھاندلی والا فارمولہ تو بتایا نہیں تھا پھر میں نے اس ٹیم کے ہیڈ سے پوچھا
“Why You In Force To Much”
آپ کیوں چاہتے ہیں نوازشریف ہی حکومت میں آئے؟ محسن بیگ صاحب کے مطابق اس گورے نے ایسا جواب دیا جو مرتے دم تک ان کے ذہن سے نہیں نکل سکے گا وہ جواب کچھ اسطرح تھا
“He Is Chathelistic” (جو یونین کو توڑتا ہے)
اور اس کے ساتھ ہی محسن بیگ صاحب میاں نوازشریف کو غدار وطن ہونے کا فیصلہ سناتے ہوئے سزا کے طور پر استعفے کا مطالبہ کردیا۔ آج الیکشن 2013 کو پورے تین سال ہوگئیں ہیں۔ جس میں پاکستان کی عوام نے میاں نوازشریف کو پاکستان کو مشکلات سے نکالنے کا مینڈیٹ دے کر کامیاب کروایا تھا۔ پر ہارنے والے عوامی فیصلے کو نہ مانتے ہوئے دھاندلی کا رونا روتے رہے اور اس رونے نے سال 2014 میں پاکستان کو بس انتشار اور بےیقینی کی طرف دھکیلا تھا پر الحمداللہ میاں نوازشریف ملک کو اس مشکل سے نکالنے میں ایک بار پھر سے سرخرو ہوئے۔ مسلم لیگ ن کا ایک ووٹر ہونے کی حیثیت سے میں محسن بیگ صاحب سے چند سوالات کرنا چاہتا ہوں جنہوں نے پاکستان کے وزیراعظم وقت کو غدار وطن ثابت کرنے کیلئے کیا کچھ نہیں کہا
- کیا چین پاکستان اقتصادی رہداراری ملک کو توڑنے کیلئے شروع کی گئی ؟
- کیا بلوچستان میں جاری بغاوت کو پاکستان توڑنے کیلئے کچلا گیا؟
- کیا دہشتگردی کے ناسور کو پاکستان توڑنے کیلئے ختم کیا گیا؟
- کیا کراچی میں امن قائم پاکستان کو توڑنے کیلئے کیا گیا؟
- انرجی کا مسئلہ جس سے پاکستان کی معیشت کو بے پناہ نقصان ہورہا ہے کیا اس میں بہتری لانے کیلئے اپنی تمام طر کوششیں پاکستان کو توڑنے کیلئے کی جارہی ہیں ؟
مندرجہ بالا سوالات کے جواب اگر آپ کے پاس نہیں ہیں تو شرم کرئے اور ہر کسی کو غدار وطن کہنے سے پہلے ہزار بار سوچیں پر خیر شرم نام کی تو کوئی چیز آپ میں نہیں پائی جاتی اگر پائی جاتی ہوتی تو ندامت سے ہی آپ ابھی تک انتقال فرما گئے ہوتے کہ ایک چینل پر بیٹھ کر چند روپوں اور ٹی آر پی کی خاطر آپ پاکستان کی عوام میں مایوسی پھیلا رہے تھے۔ خیر اس دعا کے ساتھ میں اس موضوع یہ ہی ختم کرتا ہوں۔ اللہ پاک ہم سب کو حق بات کہنے کی توفیق عطاء فرمائے آمین
تحریر: ملک عاطف بشیر