کویت: کیوبا کے میڈیکل وفد کے لئے ماہانہ 2500 دینار تنخواه منظور

کویت سٹی، 22 اگست 2020: کویت سول سروس کمیشن نے کیوبا کے دوسرے میڈیکل وفد کے لئے 2500 کویتی دینار ماہانہ تنخواہ کی منظوری دے دی ہے۔ روزنامہ الرائی کی رپورٹ کے مطابق کیوبا کی  میڈیکل ٹیم ایمرجنسی  اور انتہائی نگہداشت کے ماہرین پر مشتمل ہے۔ یاد رہے کہ یہ پیشرفت  وزارتِ صحت کویت اور کیوباکی حکومت کے درمیان ہونے والی ایک مفاہمتی یادداشت کے تحت ہوئی ہے۔ کویت میں کورونا وائرس کی وبأ سے نبردآزما ہونے کے لئے کیوبا کی طِبی ٹیمیں 6 ماہ کے لئے کویت میں اپنی خدمات سرانجام دیں گی۔