پروگرام کا باقاعدہ آغاز تلاوت قرآن پاک سےحافظ عبدالغفور صاحب نےاپنی خوبصورت اور پر سوز آواز سےکیا۔ ہديہ نعت رسولؐ مقبول عربی میں استاد سلیم صاحب اور حافظ عبدالغفور صاحب نے پيش کی. کلام اقبال حافظ حماد ندیم صاحب نے پيش کیا.
مہمان خصوصی مولانا محمد اقبال اعوان صاحب (اسلامی سکالر) جو کہ اسلامک ایجوکیشن کمیٹی کویت کی خصوصی دعوت پر بریطانیہ سے تشریف لائے ان کی شرکت اور ان کے خطاب (سیرت رسول صلی اللہ علیہ وسلم اور فکر اقبال) نے پروگرام کو چار چاند لگا دئیے۔ کلام اقبال، شعراء کرام کا علامہ اقبال کو ھدیہ عقیدت اور سیرتؐ کا پیغام و فکر اقبال کے کئی نئے پہلوؤں پر روشنی ڈالی گی.کوئز پروگرام اور تقریری مقابلہ سکول کے بچوں کے درمیان ہوا.
اسلامک ايجوکيشن کميٹی يوتھ ونگ کے زیراہتمام پاکستانی انگلش سکول حولی میں سیرتؐ کا پیغام اورشاعر مشرق ڈاکٹر علامہ محمد اقبال کی فکر کومشعل راہ بنانے کیلیے ایک شاندار سیمینار کا انعقاد کیا گیا ،جس میں کویت بھر کے تمام مکتبہ فکر سے تعلق رکھنے والے نوجوانوں نے بھر پور شرکت کی .
کوئز اورتقاریر کےپروگرام کو یوتھ ونگ کے لیاقت بٹ صاحب نے اپنے مخصوص اور پر جوش انداز سے پیش کی اور ججز کے فرائص جناب عرفان سعید اور سید صداقت علی ترمزی نے انجام دیےجس میں انٹرنیشنل سکول آف پاکستان خیطان سے عبدالکریم، معیذ اورعائشہ عزیز شامل تھے.نیو پاکستان انٹرنیشنل سکول حولی سے احمدرضا،نعمان عرفان اور ایمان عرفان نے حصہ لیا.پاکستان سکول وکالج سالمیہ سے محمد عمر،عبدالرحمن اور جواد قمر نے حصہ لیا.پاکستان یوتھ اکیڈمی سے محمد بلال،سعد،نعمان سعید نے حصہ لیا۰تقاریری مقابلوں میں انٹر نیشنل سکول آف پاکستان خیطان سے محمد عمر اور پاکستان سکول و کالج سالمیہ سے محمد انس نے حصہ لیا۰
اسلامک ايجوکيشن کميٹی يوتھ ونگ کويت کے صدر جناب صدف علی صدف نے يوتھ ونگ کا تعارف اور مقاصد کے ساتھ ساتھ فکر اقبال کے کئی نئے پہلوؤں پر روشنی ڈالی.
کویت کے قابل فخر شاعر جناب صداقت علی ترمذی صاحب نے علامہ اقبال کو ہدیہ عقیدت پیش کیا جو کہ شرکائے محفل نے بے حد پسند کیا۔ پاکستان انگلش سکول حولی کے وائس پرنسپل سہیل یوسف نے زبردست انداز میں کلام اقبال پیش کیا جسے حاضرین نے بہت سراہا۰
مہمان خصوصی اقبال اعوان نے سیرتؐ کا پیغام اور فکر اقبال اور انتہائی پُر مغز گفتگو فرمائی .اسلامک ايجوکيشن کميٹی کويت کے صدر جناب حافظ حفيظ الرحمن صاحب نے اقبال کے پیغام سیرتؐ کو بيان کيا۔ جس نےپروگرام کو ایک پروقار اور یادگار تقریب بنا دیا.
تقریب کے آخری مرحلےمیں اسلامک ایجوکیشن کمیٹی کویت یوتھ ونگ نے چوتھے سالانہ کرکٹ کے ونرز،مین آف دی میچ اور کھلاڑیوں میں ٹرافی ،شیلڈز دیں،
یوتھ ونگ کے ساجد ندیم کو بہترین میچ آرگنائز کرنے پر شیلڈ سے نوازا گیا.
پروگرام کا اختتام اسلامک ايجوکيشن کميٹی کے جناب چوہدری فاروق شاد صاحب نے دعائیہ کلمات سے کیا۰سٹیج سیکٹری کے فرائص یوتھ ونگ کے افضل نے خوش اسلوبی سے ادا کیے۔
سیرتؐ کا پیغام اور فکر اقبال کی اس پروقار تقریب کی صوتی و بصری کوریج اسلامک ايجوکيشن کميٹی کويت میڈیا کے جناب فہد نے انجام دی۔