پاکستانی الیکٹریشن بجلی کے جھٹکے سے بے ہوش، حالت تشویش ناک

کویت سٹی، 10 دسمبر 2016 (اردو کویت): مغربی مشرف میں کویتی شہری کے گھر میں الیکٹریکل فالٹ کی مرمت کے دوران ایک پاکستانی الیکٹریشن بجلی کا زور دار جھٹکا لگنے سے زخمی ہوکر بے ہوش ہوگیا۔روزنامہ السیاسۃ کے مطابق گھر میں بجلی کے سرکٹ میں خرابی دور کرنے کے دوران الیکٹریشن نے خرابی کا سبب تو  تلاش کرلیا تاہم بجلی کا کنکشن بند کرنا بھول گیا اور میٹر باکس میں ایک تار کی مرمت کرتے ہوئے مالک مکان سے باتیں کرنے لگ گیا اس دوران بجلی کے زور دار جھٹکے کی زد میں آکر بے ہوش ہوگیا۔مالک مکان نے فوری طور پر وزارت داخلہ کے آپریشنز روم کو اطلاع کی جنہوں نے بروقت پہنچ کر متاثرہ شخص کو طبی امداد دی، تاہم زخمی کی نازک حالت کے پیش نظر اسے مبارک ہسپتال لے جایا گیا جہاں اسے انتہائی نگہداشت کے شعبے میں داخل کرلیا گیا ہے۔

اس خبر پر اپنی رائے کا اظہار کریں