86

امریکی بیوی پر تشدد کا الزام ۔ پاکستانی شخص کی تھانے طلبی

کویت، 29 اکتوبر 2016 (اردو کویت ): روزنامہ الرائی کے مطابق ایک امریکی خاتون شہری نے سالمیہ پولیس اسٹیشن میں شکایت درج کروائی ہے کہ اس کے پاکستانی خاوند نے اسے تشدد کا نشانہ بنایا ہے اور اس پر اپنے قدامت پسند نظریات تھوپنے کی کوشش کرتا ہے۔ خاتون نے ایک میڈیکل رپورٹ بھی جمع کروائی ہے جس کے مطابق اس کے چہرے اور جسم پر تشدد کی وجہ سے زخموں کا ثبوت ملتا ہے۔ خاتون نے مزید بتایا کہ اس کا خاوند کئی دفعہ اس پر اپنے دقیا نوسی خیالات تھوپنے کی کوشش کر چکا ہے اور واقعہ کے دن اس نے آپے سے باہر ہوتے ہوئے خاتون کو تشدد کا نشانہ بنایا۔ پولیس نے پاکستانی شخص کو تھانے بلا کر صلح کروانے کی کوشش کی لیکن خاتون نے اپنے خاوند کو معاف کرنے سے انکار کردیا اور اصرار کیا کہ خاوند کو سزا دی جائے بصورت دیگر وہ عدالت کا دروازہ کھٹکھٹائے گی۔

اس خبر پر اپنی رائے کا اظہار کریں

اپنا تبصرہ بھیجیں