مطلوب ملزم کا پولیس اہلکاروں پرچاقو سے حملہ

کویت، 4 اکتوبر 2016: ابو حلیفہ میں پولیس کو مطلوب ایک کویتی شہری نے گرفتاری دینے کی مزاحمت کرتے ہوئے 2 پولیس اہلکاروں کو چاقوکے پے در پے وار کرکے شدید زخمی کردیا۔پولیس ذرائع کے مطابق  آپریشن روم کو اطلاع ملی تھی کہ ایک شخص اپنی گاڑٰ ی  ایک دوسری گاڑی میں جان بوجھ کر بار بار  ٹکرا رہا ہے، جس پر پولیس اہلکار ملزم کو گرفتار کرنے پہنچے تو اس نے اہلکاروں پر  چاقو سے وار کردئیے جس سے اہلکار شدید زخمی ہوگئے تاہم  مزید نفری نے پہنچ کر ملزم کو قابو کرلیا۔ ملزم کو مزید کاروائی کے لئے متعلقہ حکام کے حوالہ کردیا گیا ہے جبکہ زخمی پولیس اہلکاروں کو علاج کے لئے ہسپتال بھیج دیا گیا۔