سیکیورٹی اداروں کی کامیاب کاروائی،مسلح شخص کےمزموم ارادے ناکام، سکول محفوظ

کویت سٹی، 10دسمبر2015 (اردو کویت): کلاشنکوف اورگولیوں سے مسلح شخص نے جھراء کے المقداد بن الاسود سکول میں گھسنے کی کوشش کی جسے سیکیورٹی اداروں نے ناکام بنا دیا۔ ذرائع کے مطابق وزارت داخلہ کے سیکیورٹی سسٹم اور افسران نے مداخلت کرتے ہوئے ملزم کےمزموم ارادوں کو ناکام بنا دیا ، آپریشن ختم ہونے تک طلبا اور اساتذہ بندکمروں کے اندر ہی موجود رہے۔ملزم کو مزید کاروائی کے لئے متعلقہ اداروں کے حوالے کردیا گیا ہے۔ روزنامہ السیاسۃ کی رپورٹ کے بعد وزارت تعلیم کے افسران نے تصدیق کی ہے کہ داخلیہ کے سیکیورٹی سسٹم نے بروقت صورت حال کو کنٹرول کر لیا تھااور ملزم کو سکول کے اندر کسی قسم کی کاروائی کرنے کا موقع نہیں دیا۔حکام نے اس بات کا اعادہ کیا کہ تمام تعلیمی اداروں کی سیکیورٹی اور طلبا کی حفاظت کے لئے وزارت تعلیم کوئی کسر باقی نہیں چھوڑے گی۔